Әзірет Сұлтан» қорық мұражайы

Осы мақсатқа сай жақында жәдігерлердің сипаттамасы каталог түрінде басылып шықты. Аталмыш каталогтар: «Құран кітаптары», «Тиындар», «Асханалық ыдыстар» деген тақырыптық топтарға бөлінген үш кітапша түрінде жарық көрді.Мұражай қорындағы «Құран кітаптарында» сақтаулы тұрған Құран кітаптарының қысқаша сипаттамасы, қай баспадан шыққандығы туралы мәліметтер берілген. Кітапшаның мәтінін дайындаған мұражайдың қызметкері Шынар Тастанбекова.
«Асханалық ыдыстар» альбом каталогында қорық мұражай қорына 30 жылдан астам уақыт бойы жинақталған көне қалалар орындарында жүргізілген археологиялық қазба жұмыстары кезінде табылған тарихи мұралардың ішінен тек асханалық қыш бұйымдар коллекциясы жайлы мағлұматтар берілген. Мәтінін әзірлеген кіші ғылыми қызметкер Егеубаева Әшіркүл.
Мұражай қорындағы тиындар коллекциясы каталогында мұражай қорындағы Түркістан Оазисінің VII-XVII ғғ. сауда-саттық қарым-қатынастарын және ақша айналымын көрсететін нумизматикалық материалдар берілген.